為了幫小朋友爭取最佳面試表現，家長都會幫小朋友報讀坊間不同的面試班，面試班由不同資深老師根據各直資及私校入學面試內容及認識而編制，適合現就讀幼稚園的小朋友。面試班課程有效地培訓小朋友的表達能力、分析、判斷能力和社交互動等。讓他們學懂有禮貌地回答問題、強化中英數、及熟練面試技巧等。
了解面試班小一面試準備
小一面試可以分為3個不同類別，分別是選校準備，學術訓練和軟技巧訓練。
1. 選校準備 （在K1尾開始準備）
全港有不少的直資私立小學，但不是每一間都適合您的孩子和家庭。例如，有些學校地點較為偏遠，如果家長並不打算在入讀後為孩子搬家，那麼就應避免選擇這些學校，否則孩子每天花在交通上的時間可能高達2-4小時。另一個家長經常忽視的因素是升學問題。有些學校是一條龍直升至中學，這樣家長在未來就不需要再為孩子升中派位而煩惱。但如果所選學校並非一條龍（如：保良局陳守仁小學），那麼家長需要在孩子小學5-6年間，密切關注不同的升中資訊。
2.學術訓練（K1-K2開始準備）
學校設立面試的目的是就是想「有得揀」。這裡並不是說每間學校都只選擇學術能力最強的學生，但學生需要具備一定的學術能力才能被學校選中是不爭的事實。如果您是校長，在「有得揀」的情況下，你也會想收一些計數不用數手指，擁有基本常識且能自信地用中英文表達自己的小朋友吧。
如果想好好幫小朋友做好學術培訓，建議家長在小朋友K1-K2的時候為他們報讀以下的興趣班：
中文：認字班和口才訓練班
英文：Phonics班和英文故事班
數學：珠心算和奧數
3. 軟技巧訓練 （K2開始準備）
不少家長也認為，我的小朋友學術能力已經很強了，學校必定喜歡我的孩子，獲得學校錄取可說是易如反掌。但住住有這些想法的家長想危險。學術當然是重要，但是沒有相應的軟技巧，學生也很大可能會在小學面試中滑鐵盧。
軟技巧其實並不抽象，大概包括面試禮儀、自信心、領導能力、表達能力和積極主動的學習態度等。如果家長你都想幫小朋友好好訓練好以上的軟技巧。可以在K2開始前幫小朋友報讀小一面試班。
相關文章：K2學生應如何準備小一面試？
相關文章：【兒童興趣班】8大小朋友興趣班推薦,讓他們贏在起跑線
相關文章：【三歲興趣班】4個必上興趣班推介，幫孩子及早準備
升小一portfolio 同求職CV差唔多
在作升小一準備中，尤其是將目標定在直資或私立小學的家長，需要提前在升小一面試或甚在申請時，就準備好小朋友的升小一portfolio。其實升小一portfolio與見工CV差不多，關鍵都在「投其所好」。家長首先可以了解和熟悉目標學校的文化和學生發展，從而在小朋友的升小一portfolio和面試過程中多展現相關的能力和特質。
至於升小一portfolio的設計和表達，同樣與求職CV一樣，以簡潔和方便閱讀為主。家長可以用point form或者列表形式表達，讓人一目了然。而篇幅亦不宜過長，兩三頁就差不多了。當然，在準備升小一portfolio時，家長也可以先留意目標學校網站有沒有相關範本參考。
小一面試班值得報嗎？
相對其他興趣班，不少家長或學校校長也認為小一面試班是「貼試題」走捷徑的。但其實小一面試班是教什麼的？是否需要為子女報讀？
小一面試班的課堂內容包括培養學生的專注、記憶、應變、觀察、理解分析、組織、耐性說話、自我介紹、說故事、朗讀、描述圖片等，也會有大概30% 的課堂時間提升幼兒兩文三語、數學、常識等面試所需要的學術要求。由此可見，面試班的教學內容都是訓練軟技巧為主，就算不是為了應付面試，這些技巧對現金世代的小朋友來說也是十分重要的。
此外，小一面試班還會訓練孩子一些平時在家難以獲得練習機會的技能，例如小組遊戲和在陌生人面前自信地表達自己。升小一面試班的機構都會較熟悉升小一過程，可以為正作升小學準備的家長小朋友提供有用的建議和資訊，家長不妨參考。
應如何為小朋友揀選小一面試班？
在挑選小一面試班時，首要考慮小朋友目前缺乏的技能。雖然面試班內容相似，大家也會教授小朋友說話技巧，面試技巧，面試禮儀等，但每家都有獨特優勢。家長可以按照自己小朋友嘅需要去揀選適合的面試班。
例如日朗坊的面試班注重「配套和小朋友正面學習心態」，他們會為學生整理好每一個階段需要的升學資訊（如學術培訓，portfolio 製作，選校攻略，面試拍片，歷屆面試題目等）。他們有多年教學經驗和配套完善，即使你的小朋友正就讀學券幼稚園，只要跟從他們的指引去培養孩子，其實要令他們考入直資私立小學也不難。
對於學術成績優秀但缺乏說話技巧或正面心態的孩子，Miss Kitty是不錯的選擇。他們專注培養正面學習行為和面試技巧，深受名牌幼稚園家長青睞。
以上兩個小一面試班，也需要不少時間去為學生進行培訓的，Miss Kitty 的班更不接受插班生。如果時間緊迫，只剩下兩個月，而孩子需要迅速提升面試技巧，文欣老師的小一面試班是不二之選。她以教授面試技巧為主，雖然在學術培訓和培養正面學習行為上投入較少，但適合迅速提升孩子面試水平。
小一面試班邊間好？
香港有不少教育中心也有開辦小一面試課程。大致上分為連鎖式和個體式。學費從每小時HKD$250至$600不等，若需要一對一指導，學費更可高達每小時HKD$1300。
連鎖式面試班通常以受薪的形式聘請面試班老師。好處就是教學比較有系統和會有較多分鋪可供選擇。個體式小一面試班老師通常兼任教育中心負責人，很多在創業前曾在連鎖面試班任教。這些個體式面試班的好處是他們為了吸引家長持續報讀，一般教學質素都會較連鎖面試班高。以下是一些小一面試班推介：
1. 日朗坊小一面試班 （荃灣/九龍/屯門/元朗）
學費: $270 /小時
對象：K2
人數:每班6人
上課時間 : 每堂1.5 小時
地址:
荃灣總校：荃灣沙咀道289號恆生荃灣大廈13樓C&D室(寶石大廈斜對面)
元朗分校：元朗鳳攸南街9號好順利商場73號地舖(店舖門口對正基元中學)
九龍灣分校：九龍灣宏開道16號德福大廈20樓5號室
日朗坊深信「考入名牌小學不是神幼學生的專利」。無論您的家庭背景如何，孩子是否就讀學券幼稚園，只要家長有完善的升學配套協助，悉心栽培小朋友，成功考入心儀的頂級小學絕對是可能的！🌟
日朗坊擁有14年小一面試豐富經驗，已幫助上千位小朋友成功通過升小面試，考入他們理想的直資私立小學。與其他面試班不同，他們不會只栽培某些能力較好的學生，因為他們深信不論小朋友來自哪個幼稚園，每個小朋友都應享有平等的升學機會。
因此即使您的孩子目前就讀普通學券幼稚園，透過我們和家長的緊密合作，以及精心的栽培，他們也有機會升上直資私立小學，甚至是一些頂級神校，如聖保羅男女、女拔萃和男拔萃等。
日朗坊歷屆成功秘訣在於深入研究多年來學校面試試題，清晰瞭解不同學校的收生要求和校長的喜好。再加上我們的完善配套，包括portfolio製作、面試拍片、升學咨詢、專校面試班和家長面試班等，全方位協助您充分準備，獲得頂級小學學位。
2. 滙思兒童- Ms Kitty 小一面試班 （九龍）
學費: $400 /小時
對象：K2
人數:每班6人
上課時間 : 每堂1.5 小時
地址: 九龍佐敦白加士街59號 健能發展大廈6樓B室
由資深老師小一面試老師Ms Kitty親自任教，她不旦有豐富教授學生經驗，以小班教學形式進行，每堂均有課堂報告給家長，也有練習給幼兒在家中溫習，課程由淺入深、圍繞生活經驗、循序漸進，令學生有系統地學習，課程包括加強中、英及數學邏輯等，可以培養學生的合作精神、情緒管理和紀律等。課程內容包括認字及口語表達，小組遊戲、情景處理及生活常識和記憶訓練，模擬面試。
有別於一般面試班已貼題和專校特訓作招徠，Ms Kitty面試班重視的是全面提升小朋友正面學習及面試行為。課程由Miss Kitty和心理學專家一同設計，從幼兒心理角度出發，以較為軟性和互動的方法幫他們提升正面學習行為、態度及自信心。令小朋友在輕鬆愉快的環境下學懂小一面試較熱門常識知識等問題和各項面試技巧(例如：自我介紹、分類、找錯處、比較、排序及創作故事等問題。） 在完成課程後，學童得到的不是一個個背得滾瓜爛熟的貼題答案，而是全面提升至一個有良好正面學習行為，認識不同常識和面試技巧的名校寵兒。
3.NiceStudio 藝思研習社 – 第29屆小一面試培訓班(港島)
適合2025年9月入讀小一的學童，課程由2023年11月至2024年10月。藝思研習社的小一面試班由多位資深導師根據各名校入學內容及形式編制，目標是有層次地培訓小朋友對日常生活環境的認知及分析，提高表達能力及判斷力，說話的組織力，以及靈活應變的能力。
但是近年有不少網上留言和用家反映，Nice 的教學質素大不如前。例如有家長指出「小朋友剛剛上完nice studio兩個月的暑期面試班。感覺係浪費金錢浪費時間，每次接小朋友落堂佢都唔係好開心，有兩次話唔想再上堂。我小朋友都算開朗，都有其他興趣班，但唯獨呢喥佢係好唔想上，我自己覺得小朋友嘅反應係好真實。到上咗兩個月最尾一堂嘅時候，問接代處嘅姨姨有冇報告知道小朋友上堂如何，佢嘅態度惡劣，一句話呢啲暑期興趣班冇個喎。其實只係想知道上咗兩個月老師會唔會有幾句評語可以俾返知道點樣改進。落堂時搵咗老師，態度一樣唔好，話我小朋友唔識寫自己中文名，要識寫，跟住其他乜都冇講。nice studio 老師冇愛心，只係個人感受。」
也有家長指出「nice studio幾村人報，一報上一年，仲要讀名幼，一定有d神校offer, 但普遍評價都唔係好，識人上nice,名幼，0 offer, 如真係要上，寧願揀間細規模d好過流水式作業」
地址:
九龍塘分校：九龍塘聯合道320號建新中心G26及LG27
港島分校：中環亞畢諾道 3-5A號環貿中心903室
小一面試會問什麼?
不少名校都會有不同的面試內容，以下是大部分會出現的題目，家長可以在日常生活中多留意身邊的事物，回答不同的情境題，也可以提早與小朋友準備，在家中模擬面試。
| 小朋友個人問題 |
|---|
| 1. 你有冇英文名？你個英文名點串 |
| 2. 你今年幾歲？ |
| 3. 請講下你住係邊，附近有咩建築物 |
| 4. 你係咩國籍？ |
| 5. 你依家讀緊咩幼稚園? 係邊到番架? 係男校、女校定係男女校？ |
| 6. 係學校，你鐘意咩活動？點解？ |
| 7. 你學校幾點上堂？幾點落堂？ |
| 8. 你點樣番學校？ |
| 9. 邊個同你番學校？ |
| 10. 你幾時生日? |
| 11. 你有冇參加興趣班? |
| 12. 我地學校叫咩名? |
| 13. 你搭咩交通工具黎呢度？ |
| 11. 邊個帶你黎？ |
| 12. 點解今日會黎? |
| 13. 用中文與英文進行自我介紹 |
| 小朋友喜好問題 |
|---|
| 1. 你最鐘意既課外活動係？點解呀？ |
| 2. 你最鐘意咩樂器？點解呀？ |
| 3. 你最鐘意咩顏色？點解呀？ |
| 4. 你最鐘意咩圖書/故事？點解呀？ |
| 5. 你最鐘意咩形狀？點解呀？ |
| 6. 你最鐘意咩動物？點解呀？ |
| 7. 你最鐘意咩食物？點解呀？ |
| 8. 你最鐘意咩玩具？點解呀？ |
| 9. 讀出指定中文、英文句子 |
| 10. 你最鐘意咩卡通片？點解呀？ |
| 11. 你係幼稚園最鐘意做咩？點解呀？ |
| 12. 你既好朋友係邊個？你會同佢做咩？ |
| 13. 你最鐘意上咩堂？點解呀？ |
| 14. 你既班主任叫咩名？佢教你咩科？ |
| 15. 放學後，你鐘意做咩？點解呀？ |
| 常識題 |
|---|
| 1. 纜車與電車有咩唔同？ |
| 2. 沙灘與泳池有咩唔同？ |
| 3. 雞與鴨有咩唔同？ |
| 4. 牛與羊有咩唔同？ |
| 5. 蘋果與橙有咩唔同？ |
| 6. 描述中國國旗有咩特色 |
| 7. 描述香港區旗有咩特色。 |
| 8. 講出幾個港鐵站既站名 |
| 9. 係港鐵車廂人面，有咩唔可以做？ |
| 10. 有咩交通工具淨係係港島區行駛？ |
| 11. 的士有幾多種顏色？ |
| 12. 香港機場係邊度？ |
| 13. 過海可以用咩交通工具？ |
| 14. 試講出一條香港隧道既名稱？ |
| 15. 過馬路要注意什麼？ |
| 16. 食飯前要點？ |
| 17. 去完洗手間要點？ |
| 18. 行政長官叫咩名？ |
| 19. 政務司司長叫咩名？ |
| 20. 財政司司長叫咩名？ |
| 21. 律政司司長叫咩名？ |
| 22. 過馬路要注意什麼？ |
| 23. 依家幾點？ |
| 24. 發生火警要點做？ |
| 25. 超級市場同街市有咩分別？ |
| 26. 一年有幾多個季節？ |
| 27. 一年有幾多日？ |
| 28. 一年有幾多個月？ |
| 29. 一星期有幾多日? |
| 30. 一日有幾多個鐘? |
| 31. 農曆新年有咩特色？ |
| 32. 聖誕節有咩特色？ |
| 33. 中秋節你會食咩？ |
| 34. 有咩動物係海裡游？ |
| 35. 有咩動物係陸地走？ |
| 36. 有咩動物食草？ |
| 37. 有咩動物係天空度飛？ |
| 家庭問題 |
|---|
| 1. 你有冇兄弟姊妹? 講下你同哥哥、姐姐、弟弟和妹妹鐘意做咩？ |
| 2. 你哥哥、姐姐叫咩名? |
| 3. 屋企有咩人同你一齊住? |
| 4. 你爸爸/媽媽叫咩名? |
| 5. 你爸爸/媽媽係做咩架? 係邊到番工? |
| 6. 你爸爸/媽媽最鐘意做咩？ |
| 7. 你鐘意爸爸/媽媽邊個多D? 點解？ |
| 8. 平時邊個叫你起身? |
| 9. 平時邊個送你番學/放學? |
| 10.放假既時候爸爸/媽媽會同你去邊到? 做D 咩? |
| 11. 有緊急時候, 你會打咩邊個? |
| 12. 有冇同屋企人去旅行? 去左咩地方? |
相關文章:【小一叩門】 5個增加錄取機會必睇攻略 附叩門信範本
| 情境題 |
|---|
| 1. 你見到小朋友爭執，你會點做？ |
| 2. 你見到爸爸媽媽鬧交，你會點做？ |
| 3. 如果有人係校車度唔守規則，你會點做？ |
| 4. 如果有人想食你最鐘意既野食，你會點做？ |
| 5. 如果你係機場唔見左機票，你會點做？ |
| 6. 如果你唔舒服，你會點做？ |
| 7. 如果你係文具店見到一枝好靚既筆，你想要，但爸爸媽媽唔係身邊，你會點做？ |
| 8. 如果你一個人係屋企，你會做咩？ |
| 9. 如果你發現爸爸媽媽誤會左你，你會做咩？ |
| 10. 如果你收到陌生人電話，但爸爸媽媽唔係屋企，你會點做？ |
| 11. 如果當有緊急情況，你可以打電話搵邊個？ |
| 12. 如果有陌生人請你食雪糕，你會講咩？ |
| 13. 如果你係地下執到錢，你會點做？ |
| 14. 如果你見到同學跌親受傷，你會點做？ |
| 15. 如果屋企人將你個玩具整壞左，你會點做？ |
| 16. 如果你同屋企人出街，但走失在，你會點做？ |
| 17. 如果你好想要一件玩具，但爸媽媽唔會買俾你，你會點做？ |
| 18. 如果爸爸/媽媽病左，你會點做？ |
| 19. 如果有人幫左你，你會講咩？ |
| 20. 如果你唔小心打爛野，你會點做？ |
| 21. 如果爸爸/媽媽唔記得左接你放晕，你會點做？ |
| 22. 如果你有一部玩具車，好鐘意，但細佬都好鐘意，你會點做？ |
| 學術問題 |
|---|
| 1. 請介紹你一個好朋友 |
| 2. 請介紹你既爸爸媽媽 |
| 3. 請介紹你既兄弟姐妹 |
| 4. 請介紹你既寵物 |
| 5. 你最想養既動物係咩? |
| 6. 朗讀指定中英文圖書 |
| 7. 說出指定顏色、形狀、動物、交通工具名稱並分類。 |
| 8. 讀出指定中文字、串英文生宇。 |
| 9. 讀出指定中文、英文句子 |
| 10. 計算雙位數加法 |
| 11. 在指定圖片中找錯處 |
| 12. 在指定圖片中找不同 |
| 13. 讀出指定圖片中的物品 |
| 14. 把指定幅圖畫排序 |
| 15. 圖片分類 |
| 16. 圖片配對 |
| 17. 看中文字畫出圖畫 |
| 18. 利用時間、地點、人物創作 |
| 19. 中文量詞填充 |
| 20. 英文字分類 |
| 21. 英文生字拼讀 |
| 22. 英文圖卡配對 |
| 23. 英文作句 (eg. I can/I like/I am) |
| 24. 單數排序 |
| 25. 雙數排序 |
| 26. 20順序排序 |
| 27. 20倒序排序 |
| 28. 講出5的倍數 |
| 29. 即時講故事 |
| 30. 唱歌/跳舞 |
小朋友升小一, 家長也要面試
咁多位家長唔好就係以為小朋友先需要小一面試, 好多出名既直資/私立小學都會係第二輪面試既時候面見埋小朋友既家長。以下是大部分會出現的題目:
| 學校會問家長的問題 |
|---|
| 1. 點解揀我地學校？ |
| 2. 你點識我地間學校？ |
| 3. 小朋友係屋企情況? |
| 4. 小朋友係學校情況? |
| 5. 你地點睇家校合作。 |
| 6. 如果小朋友係學校唔開心，番黎同你投訴，你會點處理？ |
| 7. 你既教育理念係？ |
| 8. 你想學校點配合你既教育理念？ |
| 9. 你對本校既教育理念有咩睇法？ |
| 10. 你會點配合學校？ |
| 11. 你會唔會參加學校活動？ |
| 12. 點解要揀咁遠既地方？（如住得遠） |
| 13. 會唔會搬黎呢邊？（如住得遠） |
| 14. 小朋友成長過程中，有咩令你好難忘？ |
| 15. 有無同小朋友報讀其他學校？ |
| 16. 講下你小朋友既長處 |
| 17. 講下你小朋友既短處 |
| 18. 你最欣賞小朋友咩地方？ |
| 19. 你最需要小朋友改善既地方 |
| 20. 你成日同小朋友進行咩親子活動？ |
| 21. 你最唔鐘意小朋友做咩？ |
| 22. 如果佢做左你最唔鐘意佢做既野，你會點做？ |
| 23. 你認為培養小朋友最重要係？ |
| 24. 你覺得自己係虎爸 / 虎媽嗎？ |
| 25. 點樣係屋企教養小朋友？ |
| 26. 你點睇「贏在起跑線」？ |
| 27. 講下「愛」與「溺愛」既分別。 |
| 28. 你地點樣分工照顧小朋友? |
| 29. 你點樣培育小朋友嘅自信？ |
| 30. 你點樣幫小朋友準備升小學？ |
| 31. 對於「獨立」你有啲咩睇法？ |
| 32. 如果小朋友講大話，你會點樣處理？ |
| 33. 如果小朋友某一方面好弱，你會點樣處理？ |
| 34. 如果俾你揀，你會幫小朋友揀學咩樂器？ |
| 35. 你有冇訓練小朋友做家務？ |
| 36. 做家務可以養成自學，講吓你嘅睇法 |
| 37. 請你分享報讀小一學校當中所遇到嘅困難和感受 |
| 38. 請你講述對小朋友嘅期望 |
| 39. 分享你哋點樣同小朋友讀書 |
| 40. 分享點樣平衡學術和品德既培養 |
小一面試自我介紹
不論你是名校或普通學校, 面試的過程中也離不開有自我介紹。而自我介紹是家長完全可以在家裹為子女練習的, 因此這是各位家長兵家必爭之地。而自我介紹的內容可以有這些:
- 姓名和歲數
- 幼稚園名稱、最鍾意嘅幼稚園科目
- 家庭（兄弟姊妹、家人名稱、家人職業、住邊區）
- 小朋友個人興趣
相關文章:【全港直資小學排名】 排行榜+各校面試日期(不斷更新)
相關文章: 【全港小學排名2024】 唯一按升BAND 1中學比率比較的排行榜
